Avtomat va UZO: uyingizni tokdan himoya qilishning to'g'ri yo'li

Avtomat — bu shunchaki «probka» emas, uyingizning yong'in va tok urishidan himoyachisi. Noto'g'ri nominal tanlansa yo doim o'chib turadi, yo hech qachon o'chirmaydi (bu xavfli).

Avtomat nominalini tanlash

Qoida: avtomat KABELNI himoya qiladi, jihozni emas.

• 1.5 mm² kabel → 16A dan katta emas
• 2.5 mm² → 25A gacha
• 4 mm² → 32A gacha

C harfi — ishga tushish xarakteristikasi. Uy uchun doim C olinadi (B — juda sezgir, D — sanoat uchun).

UZO nima uchun kerak

Avtomat qisqa tutashuvdan himoya qiladi, lekin tok URISHIDAN himoya qilmaydi. Buni UZO qiladi: tokning bir qismi «yo'qolsa» (masalan odam tanasi orqali yerga ketsa) millisekundlarda o'chiradi.

• Vanna, oshxona liniyalariga — 30mA UZO majburiy
• Umumiy kirishga — 100-300mA (yong'inga qarshi)

Difavtomat = avtomat + UZO

Bitta korpusda ikkala himoya. Joy tejaydi, lekin qimmatroq. Kichik shitlarda qulay.

Shit yig'ish tartibi

1. Kirish avtomati (umumiy)
2. Yong'inga qarshi UZO
3. Har liniyaga alohida avtomat (yoritish, rozetkalar, oshxona...)
4. Nam xonalar liniyalariga 30mA UZO yoki difavtomat

Elmaxda Schneider, IEK, EKF avtomatlar hamda tayyor shit-bokslar bor — hammasi sertifikatli.